Skip to main content

igl archiv

en general

Igl archiv cultural Lumnezia sesanfla ell'anteriura casa da scola ad Uors. Igl anteriur luvratori porscha in generus spazi per in grond diember da cudischs, documents e fotografias ed ei entras la construcziun da betun in ideal e segir deposit per archivalias da tut gener. Plinavon porscha l'anteriura casa da scola ulteriuras stanzas per exposiziuns, referats ed auter pli. Las localitads sesanflan en l'emprema alzada ed ein buca contonschiblas cun sutga da rodas.

tgei rimna igl archiv cultural?

Il archiv cultural rimna oravontut:

  • Cudischs romontschs (p.ex. calenders romontschs, tschespets, fiblas)
  • Material dallas uniuns (protocols, documents, tun e film, requisits eav.)
  • Fotografias dils vitgs, da persunas ni d’uniuns, cartas postalas, purtrets ni cartas da morts,
  • Maletgs e dessegns, dias e films che pertuccan la veta sociala e culturala ella vallada
  • Contracts ni documents, brevs da tut gener, lavurs historicas e da cultura sur dalla Lumnezia


Igl ei era pusseivel da mo schar copiar/digitalisar e prender a casa puspei igl original.